Twitter-eigarin, Elon Musk, hevur havt ætlanir um at strika bláa flugubeinið, har sosiali miðilin váttar fyri tínari konto á Twitter. Hetta hevur higartil verið ókeypis, men nú er ætlanin framd í verki.
Tað skrivar AFP-tíðindastovan.
Í framtíðini sleppa bert Twitter-profilar, sum hava goldið fyri tað, at hava bláa flugubeinið.
Ein av teimum fyrstu at missa sína staðfesting sum viðurkendur profilur á Twitter, er katólska yvirhøvdið, Frans pávi. Á Twitter eitur hann @Pontifex.
Tað var í november í fjør, at Elon Musk boðaði frá, at í framtíðini skuldi eitt gjald upp á átta dollarar – umleið 60 krónur – gjaldast um mánaðin fyri hetta bláa flugubeinið, har sosiali miðilin viðurkennir tína Twitter-konto.
Tað er í høvuðsheitum kend fólk, politikkarar og tíðindafólk, sum hava brúkt hetta bláa flugubeinið at skilja seg út frá mongdini á sosiala miðlinum.
Umframt Frans páva, so hevur amerikanska sangkvinnan Selena Gomez og Harry Potter-rithøvundurin, J.K. Rowling, sum hava mist sítt bláa flugubein á Twitter.
