Amerikanski forsetin, Joe Biden, hevur boðað frá, at hann stillar uppaftu til komandi forsetaval, sum verður næsta ár.
Hesum boðar 80 ára gamli Biden frá í einum sjónbandi á Twitter.
Tað er sostatt ein møguleiki fyri, at Biden skal stríðast um forsetasessin við Donald Trump fyri aðru ferð, tí Trump boðaði í november frá, at hann hevði ætlanir um at stilla upp aftur til komandi forsetaval.
Every generation has a moment where they have had to stand up for democracy. To stand up for their fundamental freedoms. I believe this is ours.
That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
— Joe Biden (@JoeBiden) April 25, 2023
– Frælsi. Persónligt frælsi er grundleggjandi fyri hvørji vit eru sum amerikanarar, sigur Joe Biden millum annað í sjónbandinum.
– Tað hevur verið mítt arbeiði hetta fyrsta forsetaskeiðið – at stríðast fyri okkara fólkaræði. At verja okkara rættindi. At tryggja, at øll í okkara landi verða viðfarin á sama hátt, sigur Joe Biden.
Amerikanskir forsetar sleppa í mesta lagi at sita tvey skeið sum forsetar.
