Tann 1. mai 2005 skoraði Lionel Messi fyrsta málið fyri FC Barcelona í 2-0 sigrinum á Albacete. Hann var tá 17 ár, 10 mánaðir og 7 dagar gamal og hann gjørdist síðani besti málskjútti hjá felagnum nakrantíð.
Áleyparin gjørdist eisini yngsti leikarin hjá felagnum í La Liga nakrantíð, tá hann spældi fyrsta landskappingardystin á besta liðnum í oktober árið fyri sum 17 ár og 114 dagar gamal. Bojan Krkić tók síðani bæði metini í 2007. Messi spældi samanlagt 7 landskappingardystir tað árið, men skoraði bara eitt mál.
Málið skoraði hann seint í dystinum í móti Albacete, tá venjarin Frank Rijkaard framdi eina seina útskifting og setti Messi á vølli í staðin fyri áleyparan Samuel Eto’o í 87. minutti. Barcelona førdi longu 1-0 og Messi mundi tvífaldað leiðsluna í 89. minutti, tá hann fekk ein lobbara frá Ronaldinho og royndi at lyfta bóltin upp um málmannin inni í brotsteiginum. Dómarin kolldømdi málið fyri rangstøðu, hóast upptøkurnar vístu, at Messi hevði verið rættstaddur, tá hann fekk sendingina frá Ronaldinho.
Bara minuttin endurtók parið samansetingina. Hóast Messi varð trýstur av verjuni, so lyfti hann aftur bóltin upp um Albacete-málverjan inni í brotsteiginum við vinstra fótinum og tryggjaði Barcelona ein 2-0 sigur.
Barcelona endaði við at vinna meistaraheitið fyri fyrstu ferð síðani 1999. Harafturat helt Messi áfram at skora mál og skoraði samanlagt 672 mál í 778 dystum fyri Barcelona, sum er (nógv) tað besta í søgu felagsins.
