Lionel Messi er komin í ónáði hjá franska felagnum PSG og sum skilst, fara partarnir at skiljast í summar.
Sáttmálin hjá Messi gongur út í summar, tí skal tann bóltsterki argentinarin finna eitt nýtt felag í summar.
Av tí Messi hevur eitt serligt tilknýtið til F.C Barcelona, er tað upplagt hjá honum at koma heim aftur.
Men tað er ikki fyri ein hvønn prís, tí tað merkir at spanska felagið má rudda upp í lønarlistanum, fyri at geva pláss til Lionel Messi. Avísin Mundo Deportivo skrivar, at her vil felagið selja Franck Kessié, Ferran Torres, Raphinha, Eric García og Marcos Alonso.
Eitt annað felag sum er upp á tal, er Inter Miami, sum hevur heimstað í MLS í USA. Manchester United ikoni David Beckham er forseti og parteigari av felagnum.
Tann spanska deildin hevur strangari lønarpolitikk enn aðrar stórar deildir í Evropa, so sum Premier League og Serie A. Sum tað sæst í tabellini niðanfyri, eru lønarloftinum sett soleiðis upp fyri La Liga:
| Nr. | Felag | í Evrum (árliga) |
| 1 | Real Madrid | 683.462.000 |
| 2 | Barcelona | 656.429.000 |
| 3 | Atlético Madrid | 341.040.000 |
| 4 | Sevilla | 199.855.000 |
| 5 | Villareal | 151.206.000 |
| 6 | Real Sociedad | 134.199.000 |
| 7 | Athletic Bilbao | 127.120.000 |
| 8 | Real Betis | 96.725.000 |
| 9 | Valencia | 75.835.000 |
| 10 | Espanyol | 72.737.000 |
| 11 | Getafe | 69.070.000 |
| 12 | Celta Vigo | 63.855.000 |
| 13 | Osasuna | 52.134.000 |
| 14 | Almería | 50.749.000 |
| 15 | Rayo Vallecano | 49.903.000 |
| 16 | Mallorca | 49.692.000 |
| 17 | Real Valladolid | 46.686.000 |
| 18 | Cádiz | 45.977.000 |
| 19 | Girona | 42.724.000 |
| 20 | Elche | 42.672.000 |
| í alt | 3.052.069.000 |
Lønarlofti verður ásett eftir hvat tann samlaða inntøkan er, tað vil siga sjónvarpsrættigheitir, reklamur og søla av billettum.
Kostnaðurin ið eru við roknistykkinum er keyp av leikarum, lønir og bonus til bæði leikarar og venjarar í øllum felagnum.
Sambært avísini as er Barcelona longu farið upp um markið við 200 mió evrum og tískil má seljast fyri at geva pláss til argentinska heimsmeistarnum.
