Chelsea hevði ikki vunnið í 10 dystir, tá ið teir vóru gestir hjá Bournemouth á Vitality Stadium. Men í dag eydnaðist tað endiliga.
Connor Gallagher opnaði skoringina til Chelsea aftana 9 minuttir. Bournemouth fekk svarað aftur við, tá ið vinstri bakkurin Matias Vina javnaði til 1-1. Hettar var eisini hálvleiksstøðan.
8 minuttir fyri leiktíð stútaði Benoit Badiashile útiliðið á sigurskós, aftaná eitt fríspark í høgra borðið.
Frank Lampard skifti Joao Felix inn fyri Kai Havertz, tá ið nakrir fáir minuttir vóru eftir. Hann fekk eisini sett punktum til úrslitið 1-3.
Chelsea varðveitir støðuna á 12 plássið við 42 stigum. Næsti dystur hjá Chelsea er leygardagin á heimavølli ímóti Nottingham Forest.
Her eru nøkur hagtøl frá dystinum:
Bournemouth | Hagtøl | Chelsea |
33,8 | Possession % | 66,2 |
4 | Skot á mál | 5 |
10 | Skot í alt | 11 |
1,22 | xG (Expected goals) | 1,77 |
466 | Nertingar | 774 |
298 | Avleveringar | 587 |
17 | Taklingar | 11 |
25 | Klearingar | 10 |
7 | Horna | 7 |
1 | Offside | 0 |
1 | Gul kort | 3 |
9 | Brot frammt ímóti | 11 |
Aðrir dystir vóru eisini spældir í dag:
Manchester City – Leeds 2-1 (2-0)
19′ Ilkay Gundogan 1-0
27′ Ilkay Gundogan 2-0
85′ Rodrigo 2-1
Tottenham – Crystal Palace 1-0 (1-0)
45+1′ Harry Kane 1-0
Wolves – Aston Villa
9′ Toti Gomes
Bournemouth – Chelsea 1-3 (1-1)
9′ Connor Gallagher 0-1
21′ Matias Vina 1-1
82′ Benoit Badiashile 1-2
85′ Joao Felix 1-3
Nú klokkan 17:30 bresta Liverpool og Brentford saman á Anfield Road. Seinast vann Brentford 3-1 á Liverpool.