Martin Ødegaard og Arsenal halda lív í meistaraheitinum, tá ið teir í dag vunnu ein týdningarmiklan 2-0 sigur á Newcastle.
Tað var lagt upp til ein spennandi dyst á St. James Park. Arsenal ið enn eltir Manchester City um meistaraheitið, ímeðan Newcastle royinir at tryggja luttøku um Champions League næsta kappingarár.
Tað var ein tættur dystur, har útiliðið dugdi betri at útnytta møguleikarnir.
Martin Ødegaard legði Arsenal á odda, við einum framúr sparki aftaná 14 minuttir, sum eisini var hálvleiksstøðan.
Gabriel Martinelli var væl upplagdur til dystin og hann avgjørdi eisini dystin, tá ið hann fór dribblandi ígjøgnum verjuna hjá Newcastle. Ein bóltur sum skuldi verða eitt flatt innlegg, var Fabian Schar so óheldigur at prika bóltin í egið mál.
Dysturin endaði 2-0 til Arsenal.
| Newcastle | Hagtøl | Arsenal |
| 54,3 | Possession % | 45,7 |
| 5 | Skot á mál | 6 |
| 12 | Skot í alt | 10 |
| 1,37 | xG (Expected goals) | 1,29 |
| 596 | Nertingar | 546 |
| 391 | Avleveringar | 343 |
| 18 | Taklingar | 24 |
| 10 | Klearingar | 25 |
| 9 | Horna | 4 |
| 0 | Offside | 1 |
| 2 | Gul kort | 1 |
| 16 | Brot frammt ímóti | 12 |
Við einum dysti fleiri enn Manchester City og 1 stigi aftanfyri, hevur Arsenal hesar dystinar eftir
Brighton (heima) – 14. mai
Nottingham Forest (úti) – 20. mai
Wolves (heima) – 28. mai
Manchester City skal næstu ferð spæla ímóti Everton á útivølli, sum eisini er sunnudagin. Ímillum tann dystin skulu teir spæla hálvfinalu í Champions League ímóti Real Madrid á Santiago Bernabeu.
Ein annar dystur var spældur ígjár, tá ið Liverpool vann 1-0 á Brentford. Málið skoraði Mohammed Salah.
