Lurta eftir FM1 og Voxpop á netinum

Uros og Magnus sendu argjamenn út

Uros Stojanov og Magnus Holm Jacobsen sendu argjamenn út við einum 2-1 sigri til 07 Vestur.

Gott veður var Inni í Vika í kvøld, tá ið AB og 07 Vestur spældu um at koma í hálvfinaluna um Løgmanssteypið.

Fyrsta korteri av dystinum kom AB til nakrar møguleikar og sóu út til at verða meira uppsettir.

Sam Pollard hevði nakrar atsóknir við nøkrum direkta hornasparki í høgra borðið, men bleiv bjarga á strikuni í tveimum umførum av 07 Vestur verjuni.

Størsta kjansin hjá 07 Vestur í fyrra hálvleiki fall, tá ið Høgni Egilstoft Nielsen fekk bóltin eftir misskiljing í AB verjuni. Hann sneiði málverjan hjá AB av, men skjeyt á stongina í púra opnum málið.

0-0 var støðan í hálvleikinum.

Vágamenn komu meira inn í dystin í seinna hálvleiki. Eftir bert 5 minuttum inni í øðrum hálvleiki, fekk Uros eitt perfekt innlegg úr vinstru síðu, sum hann skallaði í málið til 1-0.

Eftir hálvtfjóra ára fráveru og drúgvan skaða í rygginum, kom Filip í Liða endiliga á vøllin.

Men hann var ikki meira enn komin á vøllin, tá ið Magnus Holm Jacobsen við einum dundurskoti sendi 07 Vestur á sigurskós.

Magnus Holm Jacobsen skoraði dagsins mál

Argjamenn pressaðu á teir síðstu 20 minuttirnar og tað eydnaðist eisini í yvirtíðini at fáa brotspark, tá ið Filip í Liða bleiv feldur. Brian Jakobsen setti bóltin sikkurt í netið til støðuna 1-2.

07 Vestur hildu á teir síðstu minuttirnar, til Bjarki Danielsen floytaði dystin av.

07 Vestur vardi teir seinastu minuttirnar

Byrjunaruppstilling hjá AB – Antonio Borrelli (mv), Nicklas Mehl, Ramzi Toure, Sam Pollard, Bjarni Skála, Ragnar Skála, Teitur D. Olsen, Tróndur á Høvdanum, Bartal S. Petersen, Jákup Pauli Breckmann, Brian Jakobsen

Les eisini...  Harðligur móti makanum

Bonkur – William Tønning (mv), Emil Sørensen, Santiago Lebus, Filip í Liða, Gunnar Reynslág, Rói Nielsen, Viktor Benediktsson

Venjari – Henrik Larsen

Byrjunaruppstilling hjá 07 Vestur – Steven van Dijk (mv), Eiler Fróðason, Dánial Pauli Lervig, Rasmus Knudsen, Daniel Obbekjær, Høgni Nielsen, Janus Svabo Samuelsen, Uros Stojanov, Teitur Olsen, Magnus Holm Jacobsen, Albert Theis Nielsen

Bonkur – Ari Petersen (mv), Hjalmar Gudmundsen, Julian Mouritsen, Jónas Prior, Jón í Horni Nielsen, Jóannis á Steig, Oddur Petersen

Venjari – Michael Schjønberg

Dómari – Bjarki Danielsen

Dystargongdin

AB – 07 Vestur 1-2 (0-0)

50′ Uros Stojanov 0-1

67′ Magnus Holm Jacobsen 0-2

92′ Brian Jacobsen 1-2 (brotsspark)