Atgongumerkini til EM endaspælið í hondbólti vórðu sett til sølu nú á middegi, og eftir øllum at døma verða plássini til føroyingar skrædd burtur.
Hondbóltssambandið hevur fingið atgongumerki til setursbólkarnar 219, 218, 406, 407 og 408, ið eru í horninum í øðrum endanum.
Nú bert 20 minuttir eftir at atgongumerkini vórðu sett til sølu, eru báðir bólkarnir 218 og 219 so at siga útseldir, og bert nøkur einstøk atgongumerki eru eftir har. Hesi báðir bólkarnir eru teir bólkarnir, ið eru nærri gólvinum.
Hinir bólkarnir eru í ovaru sektiónini, har eru um helvtin seld av bólki 407 og 408. Nakað av atgongumerkjum eru eftir til bólk 406.
