Real Madrid fingu oyrini í maskinuna, tá ið teir taptu 4-0 á Etihad Stadium ímóti Manchester City.
Champions League vinnarnir í fjør Real Madrid spældu í kvøld ímóti teimum ljósabláu úr Manchester í seinnu hálvfinaluni. Fyrri dysturin endaði við einum 1-1 javnleiki á Santiago Bernabeu.
Bæði liðini vóru so at siga uttan skaðar, bert Nathan Aké hjá Manchester City sat úti við skaða.
Thibaut Courtois fekk úr at gera í fyrra hálvleiki, tá ið Erling Haaland í tveimum atløgum kundi lagt City framm um. Tað sá leingi út til at málverjin fór at standa ein brand dyst, sum man eisini sá í finaluni í fjør ímóti Liverpool.
Men eftir 22 minuttum kom hol á, tá ið Kevin De Bruyne í hálvrúminum fann Bernardo Silva, sum kundi leggja City á odda.
Portugisin Bernardo Silva var ikki liðugur her, tá ið hann økti um munin til 2-0 eftir 37 minuttum. Hettar hendi tá ið Ilkay Gundogan royndi seg við einum skoti á málverjanum hjá Real Madrid, men við einari bjarging fór bólturin út aftur til Silva, sum kundi skalla bóltin í netið.
Hettar var eisini hálvleiksstøðan.
Spælið hjá Real Madrid koyrdi ikki væl í kvøld og tvær stórar broytingar vóru eisini gjørdar av Ancelotti, tá ið hann tók bæði Luka Modric og Toni Kroos út.
Seint í øðrum hálvleiki, fekk City eitt fríspark úr vinstru síðu. Kevin De Bruyne legði bóltin inn til Manuel Akanji, ið fekk høvdi á bóltin, men bólturin broytti kós við at raka Eder Militao og fór í netið.
Argentinski Julian Alvarez setti punkum fyri dystin, tá ið hann í yvirtíðini bleiv spældur fríur av Phil Foden og økti til 4-0.
Manchester City eru sostatt klárir til Champions League finaluna fyri aðru í søgu felagsins. Felagið var eisini í finaluna fyri tveimum árum síðani, tá ið City tapti á Chelsea.
Manchester City | Hagtøl | Real Madrid |
61 | Possession % | 39 |
8 | Skot á mál | 3 |
16 | Skot í alt | 7 |
2,15 | xG (Expected goals) | 1,37 |
90 | Rættar avlevering í % | 87 |
563 | Avleveringar | 361 |
13 | Taklingar | 15 |
4 | Klearingar | 12 |
7 | Horna | 3 |
0 | Offside | 0 |
3 | Gul kort | 2 |
0 | Reyð kort | 0 |
15 | Brot frammt | 14 |
Venjarin hjá Real Madrid, Carlo Ancelotti segði aftaná dystin, at Manchester City høvdu væl og virðiliga uppiborið sigurin í kvøld. Tað var eisini eitt av teimum bestu liðum hann hevur møtt í hansara venjarayrkið. Men Ancelotti vísti eisini á, at hann var sera skuffaður at Real Madrid ikki vóru meira við í dystinum.
Tann 10 juni er tann stóra finalan, tá ið Manchester City og Inter Milan bresta saman í Istanbul.