KÍF og Rasmus Søby hava gjørt avtalu fyri komandi kappingarár.
Tað skrivar KÍF á sínum Facebook-vanga.
Rasmus hevur verið ein stórur profilur í føroysku hondbóltskappingini tey seinastu mongu árini. Hann hevur verið nakað skaddur í seinastuni, men er nú komin fyri seg eftir skaðan.
Umframt at spæla fyri besta mansliðið hjá KÍF, so skal 38-ára gamli Rasmus eisini venja ungdómslið í felagnum.
Rasmus Søby kom til Neistan í 2017, og spældi áðrenn tað við Lemvig og Mors í Danmark.
