Lurta eftir FM1 og Voxpop á netinum

Er turkur í München?

Tað er í dag kl. 14.30 okkara tíð at seinasta umfar í týsku Bundesliguni verður leikt.

Bayern München hevur verið mest vinnandi lið í týsku liguni og hava vunnið meistaraheitið 10 ferð á rað, men í dag stendur alt uppá spæl í Køln, har Bayern gestar í seinasta dystinum í hesum kappingarárið.

Var tað rætt at koyra Julian Nagelsmann til hús og seta fyrrverandi Chelsea venjaran Tuchel í starv sum venjara?

Tá Bayern vann meistaraheitið í 19/20 vunnu teir alt, sum vinnast kundi við Hansi Flick á odda, men síðani tað hevur tað gingið mest sum niður á bakka, tó at teir vunnu meistaraheitið í 20/21 og 21/22, men í ár hevur ikki hilnast, sum ynskt er í München.

Teir eru úti av Champions League og DFB-Pokal, steypakappingini í Týsklandi.

Kappingarneytin í ár er liðið, sum hølvaði Bayern av í 11/12 kappingini har seinasti dystur endaði 5-1 til Dortmund og var tað nokk festin aftaná meistaraheitið, sum gjørdi at Bayern vildi hevna seg inn á Dortmund og síðani 12/13 kappingarárið hevur tað so verið Bayern München, sum hevur vunnið meistaraheitið.

Í dag er støðan ein heilt onnur, tí Dortmund liggur á 1. plássi og eru 2 stig niður til Bayern, sum skal vinna útidystin móti Køln í dag meðan tað er nokk hjá Dortmund at fáa javnleik móti Mainz, sum einki hevur at spæla fyri, um Bayern ikki vinna í Køln. Bayern tapti seinast móti Køln í Januar 2011.

Verður tað Dortmund í ár, sum hava verið flúgvandi ein stóran part av kappingini ella verður tað Bayern, sum vinnur 11. meistaraheitið á rað?

Les eisini...  Javnaðarflokkurin: Ung og barnafamiljur skulu kunna velja Føroyar

Uppstillingin hjá Bayern í dag er hendan: