Tann 30. Mai 1979 vann Nottingham Forest fyrsta europeiska steypið, tá liðið vann á Malmö FF í Europa Cup finaluni framman fyri 57.000 áskoðarum á Olympiastadion í München. Tað var eitt ótrúligt bragd fyri Forest, sum gjørdist bara triðja enska liðið eftir Manchester United og Liverpool at taka ímóti størsta steypinum í Europa.
Forest reið á einari viðráksbylgju undir felagsstjóranum Brian Clough, sum hevði ført Derby County til hálvfinaluna í Europa Cup seks ár frammanundan. Hann skifti til Leeds, men gleðin var stokkut og hann skifti til Forest í januar 1975. Nottingham Forest lá tá í 2. deild, men Clough stjórnaði liðnum til uppflyting í 1977 og síðani til meistaraheitið í 1978.
Forest vann seg í finaluna við sigrum á Liverpool, AEK Athen, Grasshoppers og 1. FC Köln. Malmö FF, sum eisini spældi í fyrstu europeisku finaluni, vann á Monaco, Dynamo Kiev, Wisła Kraków og Austria Wien.
Hóast tvey óskrivaði bløð í europeiskum fótbólti vunnu seg í finaluna, so gjørdist dysturin eitt vónbrot. Malmö FF, sum manglaði nakrar lyklaleikarar, spældi sera verjukent fyri at niðurbróta enska álopið. Men tað eydnaðist Forest at skora mál seint í fyrra hálvleiki, tá £1 millión keypið Trevor Francis – sum spældi fyrsta europeiska dystin fyri Forest – skallaði mál í 45. minutti, sum eisini gjørdist sigursmálið.
Nottingham Forest megnaði eisini at verja heitið sum besta europeiska liðið árið eftir við einum 1-0 sigri á Hamburger SV.
