Suðuroyar Sparikassi boðar nú frá, at eftir at evropeiski miðbankin og danski tjóðbankin 4. Mei hækkaðu leiðandi rentuna, hækkar Suðuroyar sparikassi nú eisini innláns- og útlánsrenturnar.
Innlánsrenturnar í Suðuroyar sparikassa hækka við 0,40 prosentstigum, meðan útlánsrenturnar høkka við 0,25 prosentstigum, og hetta er galdandi fyri bæði privat- og vinnukundar.
Rentubroytingarnar koma í gildi 10. juni í ár.
Frammanundan hava bæði BankNordik og Betri banki boðað frá rentuhækkingum, og Suðuroyar Sparikassi er sostatt triði føroyski bankin, ið hækkar rentuna hendan mánaðin.